【5】個 同小朋友 拍攝 family photo 小貼士
April 6, 2020
免費送出 Pre Wedding Posing Pocket 指南
March 18, 2022
2022 2月 更新
剛剛係 2 月 23 號去過下白泥，影片裡邊提到嘅鴨仔坑士多入口已經關閉。同入邊嘅哥哥傾，因為疫情關關系，村長要求暫時關系，減少遊人。無左呢個入口，就去唔到下白泥。如果都要去，可以試下揸車再入d，去到 上白泥，但個人覺得，地點，方向同環境都無咁好。相信係 4月 20 號之前，去之前最好都 check check 先。
下白泥日落景點 影片介紹
00:00
點去下白泥
00:40
泊車地方
01:50
衣著預備
02:40
最佳潮汐拍攝時間
05:10
光線建議
下白泥 交通
第一個要介紹就係 『下白泥』呢個地方。下白泥，我諗好多人都聽過，但未必個個人識點去。如果要去，可以係 Google map search 流浮山迴旋處
，去到，有條車路，再沿車路再入去 10 分鐘就去到。
如果你揸車去，通常d人去『鴨仔坑士多』，會見到一個牌『白泥落日最佳觀賞點』。係 Google map search都應該search 到。以前這裡係係一片爛地，而家就有個停車場，泊車就可以泊係這處，收費係 30元 全日。跟住沿一條小路向海邊行出去，一兩分鐘就到。
衣著建議
唔知大家去過未？下白泥其實係一個好大嘅泥灘，衣著上，最好要預備拖鞋，雨鞋 或 Cros 之類的 膠鞋。如果我你著對靚靚波鞋去，之後對鞋應該可以唔洗要。當然亦可以赤腳除鞋，但要留意，除鞋會有少少危險，因為泥灘果度會有蠔殼，大人應該可以避到，但小朋友唔小心踏上去，就會割損，所以都係著返水鞋會好d。
最佳潮汐拍攝日子時間
另外大家去下白泥亦要特別留意『潮汐』。大家知唔知乜野係『潮汐』？如果有釣開魚就應該知道，即係海水嘅潮漲同潮退。另外大家知唔知乜野係『大潮期』？所謂大潮期，即係漲又漲得好勁，退又退得好勁。每逢初一、十五前後日子，就係大潮期。如果遇著大潮退，海水會退到好遠，大家可以行到好遠好出。問題就係當大家行好出好遠，明明去下白泥，諗住影到好靚嘅日落，前邊係無人，但因為個個都出曬去，就前邊全部都係人，想避都避唔到。我覺得反而海水漲漲地，避開初一十五，就唔會漲同退得咁勁，大部份 人就企曬係水邊，如果你有著水鞋，拖鞋，膠鞋，你可以行出d影，就可以避開d 人，出邊係可以完全可以無人嘅，咁就靚好多
拍攝角度
同埋有時除左向住個太陽影，大家亦都可以同個太陽做朋友，側光，90度方向影。平時影日落，如果你背住太陽影，後邊就好多人，但下白泥係係好空曠，就算同背住個太陽影，你後邊個景都可以好靚嘅，大家可以留意下
