【5】個 同小朋友 拍攝 family photo 小貼士

我是如何捕捉婚禮的瞬間時刻
【小貼士 】我是如何補捉婚禮的瞬間時刻
March 19, 2020
sunset photo
日落拍攝景點介紹…下白泥 (2022)
June 16, 2021
我是如何捕捉婚禮的瞬間時刻
【小貼士 】我是如何補捉婚禮的瞬間時刻
March 19, 2020
sunset photo
日落拍攝景點介紹…下白泥 (2022)
June 16, 2021

最近都幫好多 family 影 family photo,想同大家分享下點樣同你 d 小朋友可以影 family photo 影得靚d,點樣可以捕捉到小朋友最開心嘅一面。

1. 讓小朋友對拍攝感到興趣

Make kids interested in the family photo shoot

我都有兩個小朋友,知道一般小朋友都唔鐘意影相嘅,所以叫佢地出來影相,佢地就話:『又影相呀?』。所以要令到佢地有興趣,真係要話比佢地聽,係去玩嘅,唔係去影相嘅,有乜野最好嘅方法呢?

就係帶一d 佢地平時鐘意玩嘅野,同佢地一齊出去影相,例如可以帶:吹 bubble,有家長會帶足球,有家長就帶跳繩,或者 scooter ,單車之類,
呢D 都好受歡迎。等佢地一邊玩,就唔會諗住影緊相。

但要留意部份小朋友,就係太喜歡,例如踏單車。我都試過,有個小朋友好鐘意單車,要叫佢落車去影相,佢死都唔肯,好唔開心。所以最清楚小朋友就係家長自已,有乜野適合影相,同時有乜野係你可以同佢一齊玩嘅,唔係佢自已玩。

【5】個 同小朋友 拍攝 family photo 小貼士 3

所以最清楚小朋友就係家長自已,有乜野適合影相,

同時有乜野係你可以同佢一齊玩嘅,唔係佢自已玩。

2. 準備與小朋友一起享受拍攝的時間

【5】個 同小朋友 拍攝 family photo 小貼士 4

大家要明白,雖然大家都想影靚相,爸爸媽媽唔好不停諗住影緊相。我見有 d 爸爸媽媽,一影相,就會不停叫小朋友做好多野:『唔好掂呢d,唔好咁樣企呀』……比好多 指示比小朋友,或者不停叫小朋友望鏡頭。

我都好明白,大家都好想影到大家望住鏡頭嘅相,但如果爸爸媽媽,不停咁叫,其實 小朋都知道,你唔係同佢玩,而係逼佢地影相。通常佢地都第一可能唔鐘意,第二可能更加會作對,更加唔望鏡頭,第三就係就算你真係叫到小朋友望鏡頭,通常我發覺就輪到爸爸媽媽,個樣就配合唔到。因為不停咁叫小朋友,有可能個樣就好紋,所以影出來,效果都唔好。其實大家唔好浪費左時間,真係要信攝影師,交比攝影師,去影一d最好嘅 moment,同埋係合適嘅時間叫大家望鏡頭,唔需要每一刻都不停叫住望鏡頭。因為要相信我,你不停叫,反而影出來就唔係最靚。

【5】個 同小朋友 拍攝 family photo 小貼士 3

真係要信攝影師,交比攝影師,去影一d最好嘅 moment,

同埋係合適嘅時間叫大家望鏡頭,唔需要每一刻都不停叫住望鏡頭。

3. 避免拍攝中途受到騷擾

【5】個 同小朋友 拍攝 family photo 小貼士 6

一般小朋友嘅耐性好低,你唔好期望會影好耐,通常影一個鐘至個半鐘,包括 warm up 嘅時間,已經差唔多。另外你好難叫小朋友重複做同一件事,可能踢一陣足球,又要走去跑步,跟住又要玩其他野。所以當d小朋友好投入,肯去影相嘅時候,通常我都會盡快影好多嘅相。唔好花時間去,叫小朋友換衫,或者去做其他野,要把握好小朋友投入嘅時間,盡快去影

第二就係,去郊外地方,可能無洗手間。所以影之前,盡量帶小朋友去左洗手間,避免影相途中,又要去洗手間。當然爸爸媽媽都要關掉手機,唔好突然又要接聽電話。另外如果有比較細的小朋友,可能有習慣需要午睡,或者用餐後就好眼訓,你就要避免係呢段時間去影相,不用影相中途,突然好眼訓。

【5】個 同小朋友 拍攝 family photo 小貼士 3

所以當d小朋友好投入,肯去影相嘅時候,通常我都會盡快影好多嘅相。

4. 可以預備一張大嘅檯布

take a sheet of table cloth with your family photo

我都會叫家長可以預備一張大的檯布去到郊外地方影相。香港好多草地都好乾淨,但係可能有時落完雨,又或者公園,早上都會澆水,草地都比較濕。
如果你坐上去,就會弄濕你的褲。帶塊布,墊住坐,就可以避免弄濕。

第二,如果你的小朋友比較細,因為高度問題,爸爸媽媽都要坐低跟小朋友影相。如果企係度影,就影出來不太靚。所以我都同爸爸媽媽,不要擔心坐在地上。我都試過有爸爸,可能條褲好靚,點都唔肯坐低。當然無坐低影咁靚。

另外你帶塊好靚嘅檯布,如果有小朋友唔鐘意玩,鐘意食野,你可以帶d零食。可以野餐,一路都可以影,所以塊檯布好有用。

【5】個 同小朋友 拍攝 family photo 小貼士 3

你帶塊好靚嘅檯布,如果有小朋友唔鐘意玩,鐘意食野,
你可以帶d零食。可以野餐,一路都可以影,所以塊檯布好有用。

5. 保護小朋友

Prepare to enjoy with your kids

最後就係,去郊外地方,最近都發覺唔多蚊。但係,好多公園,都有d 蚊滋,黑色一粒粒,叫做蠓。雖然就無咬我,可能我d皮比較厚,但就專咬小朋友同妹妹。所以記住幫小朋友噴,防蚊,防蠓嘅蚊怕水。

另外如果好好天,好猛太陽。戶外影相,最好找一些地方,有好多樹,有遮陰嘅地方。第一無咁曬,第二,有時太猛太陽,眼睛會感到好辛苦。係樹陰底下影就好好多,小朋友都唔會大熱。記得帶水,好熱嘅時候可以飲水。

【5】個 同小朋友 拍攝 family photo 小貼士 3

記住幫小朋友噴,防蚊,防蠓嘅蚊怕水。

呢五個小貼士,希望幫到大家。之後仲有好長時間不用上課,小朋友星期一至五都留係屋企,如果有機會疫情無咁嚴重,大家可以帶小朋友出去跑跑,放下電,都係一件好開心嘅事。

Comments are closed.